Peulot Manok

Soe meu'oh boh makna vidio lagu Acheh nyoe?



Peulot Manok:
Vocal: Syeh Yuldy

Putik jambee ie
puteh ban gadeng
Putik jambee kleng
polem hitam membaja
dalong di ureueng jameun
bungong teu sunteng
bungong lawang kleng
Polem nanggroe India
dalam teuduek haba nyoe
meu woe ho laen
keu Teungku Malem
polem ulon calitra
Dak di Teungku Malem
jak u Keureuto
ka geu peuwoe
kapalo boh manok sukla
dalong meu ma jih mate
ka musang pajoh
ka tinggai boh
ya ka lhee boh saja
dak geucok boh manok
ge peu karom
dua nyang kom
saboh nyang hana...

Bak kira-kira
na tujoh uroe
Teungku sidroe
geujak pareksa
uroe keu limong
ka keuh meukoh
uroe keu tujoh
nyan ka teubleut mata
eu dak ka teubleut mata
hai paroh ka leumah
Teungku meutuah
geu kalon rupa
'e 'eh geulumpo manok
jeh-jeh bireng basah
mata jih mirah
ban hu keu sumba
di Teungku Malem jih
ka salah waham 'eu 'euh
manok agam nyan
geusangka dara...
geucok manok 'eu 'euh
gom di yub bruek
'uk di ku'uk bujang juara

Bulee iku na saboh pangkee
Bulee ulee meucungkee
na saboh raga
geucok manok
bak u geulanggang
ka geupeutunang
ngon lem hariya
ta peulet manok
di yub jambo nyoe
bireng bak kamoe
jalak bak gata
meutuah jalak
di top meu pateng
meutuah birang
di coh lam mata
meunyoe ka kah top
ban ku yue di ke
ka top bak ulee
beu puta mata
pla'k-pla'k ka di teupluk-pluk
ka meupateng
meutuah bireng
to'k-to'k u luwa...

Deungon beurkah
Cut Putroe Bungsu
ka meunang Teungku
talo Hariya
Teungku Malem
jeh-jeh ureueng meutuah
bak uram lidah
tiduek keumala
Raja Tampok
Kuta Piadah
meunyan keu ayah
Si Malem Diwa
nama di ibu
dalam seujarah
rame nyang peugah
Cut Misal Bawa
meunan di Teungku
Malem Budiman
dudoe geu hei nan
Nan Malem Diwa
peurumoh tuha
Cut Putroe Bungsu
Aneuk di yu
Nanggroe Antara...

Lagu nyoe cit mangat bak ta deungo, tapih susah that bak ta peumuphom. Na ureueng njan tu'oh peumeuphom dilee? Dan soe jeuet suson lyric?

Peunyata

"Saleuëm dengon lafaih Assalamu'alaikum WR WB. Keu sjédara meutuah njang na di Atjèh dan di luwa nanggroë, kamoë sibagoë ureuëng uruih Blog Atjèh lam Haba, meuhei ubéna rakan untôk bôh su-su mamèh ureuëng droëneuh keunoë. Rakan-rakan mandum djeuët neupasoë haba-haba njang meufaedah keu Ureuëng Atjèh, miseuë: hikayat-hikayat Atjèh, calitra-calitra djameun, kisah-kisah seudéh-seunang udép sibagoë Ureuëng Atjèh, peuturi droë, peungalaman udép, haba-haba lucu, masalah tiëp uroë, naséhat, beurita, peundapat, sueuë, dan laén-laén; ubéna nyang galak. Beurangakasoë djeut tuleh blog tapih payah djeuët keu Blog Author - cara jih, tateugon disinoe.
InsyaAllah, meunyo panyang umu neubi lé Po-teuh Allah Ta'ala, meusigo geutanyoë tameuhubông untôk ta meurakan dan ta peuseuleusoë masalah. Beugot-got geutanyoë saré keudroë-droë dan beumeusra silaku watèë. Meunan cit, meunyo lagèë njoë geutanyoë ta seumiké, deungon cara positif dan meutulak-ansô, Bansa Atjèh njoë hana trép lé meugisa bak asai. Kamoë meulakèë ureuëng droë neumeulangkah u Blog Atjèh lam Haba, meusigo geutanyoë tapeu-ék su keu Bansa!

Pat Posisi?

Nyoe kamoe meutanyong pat posisisi ureueng droeneuh nyang peugot blog nyoe?

Dhiet That... :D

Assalamu'alaikum,

Beungoh njoe ba' lon cek email lon di gmail lon kalon na saboh email undangan. teurnjata undangan u blog njang meupeusatu bansa Atjeh ban sigom donja.

Buet njang that dhiet. :D Seumoga blog njoe madju meukeumang lagee njang ta harapkan.

Teurimong geunaseh.

Ureueng Phon

Nyoe nakeuh buet nyang jroh keugeutanyoe Urueung Acheh, ta meusaboh droe, adak hanjeuet di luwa komputer, didalam pih jeuet. Lon meuteumee blog nyoe meulalui google search. Phon lon pike nyoe blog pripadi, tapih jroh that ban tatupeue disinoe beurangkasoe jeuet keu author, jeuet pasoe peue nyang peureulee keu got Ureueng Acheh. Deungon cara meunoe, blog nyoe djeuet keu teumpat bagi Ureueng Acheh untok mita informasi dan akan meubi peuluweueng keu mandum untok meureunoe teumuleh dan meubaca, dan nyang leubeh peunteng lom, seumike. Peunan mantong peusanan ulon tuan, sibagoe ureueng phon...hehe

Blangmeuh

Peureulèë Undangan?

Meunyo na niët meupasoë haba (Blog Author), neu tulông bôh alamat e-mail droëneuh rhot komèn di-muyub, ngak jeuët kamoë undang.